Getxo
eta Bilbon emakumeen nazioarteko lehen zesta puntako topaketa
ospatuko da
Asteburu honetan hitzordu
historikoa biziko da nesken zesta puntarentzat. Izan ere, Getxo eta
Bilbon emakumeen nazioarteko lehen topaketa ospatuko da Bizkaiko Foru
Aldundiak, Euskadiko eta Bizkaiako Federazioek eta Xisterak
bultzatuta. Bertan, herri ezberdinetako jokalariak hartuko dute
parte; Berriatua, Bartzelona, Miarritze, Getxo, Donibane Garazi,
Donostia, Gasteiz, Markina-Xemein, Mutriku, Montornes del Vallés
(Catalunya), Pau, Parmiers eta Pariseko neskek hain zuzen ere.
Ekitaldia larunbat arratsaldez
hasiko da Getxoko Fadurako frontoian eta bertan, hogeita lau
pilotarik kiniela eta partiduak jokatuko dituzte, Izaro Arbe puntista
eta Eskolen Sustapen Arloko arduradunaren koordionaziopean. Saioa
16:00retan hasi eta 19:00etan amaituko da.
Lehen hartueman honen ostean,
igandean Bilboko Alameda Rekalde kalean dagoen Deportiko Klubeko
frontoira joango dira kirolariak. Bertan, xisteran jolasten
jarraituko dute, kasu honetan, 11:00etatik 13:00era.
Kiniela eta partiduak bukatu
ostean, bertaratutako guztiek zesta-punta probatzeko aukera izango
dute.